sin la, jan suno pi ma nena li wan, li wile pali e ijo sin. ona li kama pali e tomo mute. tomo li tan kiwen pona tan anpa tan kasi, li poki e tomo lili mute. jan wawa mute li pali.
jan suli en jan lili li lon kulupu pali. ona tu li tan mama sama. jan suli li wawa li pali e tomo suli. jan suli li pilin suli a! jan lili li pali e tomo lili, taso ona li ken kule pona. jan pi len jelo li lukin e tomo ale la, tomo ale li pona sama tawa ona. jan suli li pilin ike. ona li wile suli nanpa wan a! jan ante o anpa. ona li wile utala e jan lili.
pimeja la, ona li pakala lili e tomo pi jan lili. suno la, jan lili li open pali la, ale tomo li pakala. jan lili li sona ala e tan pakala. taso mun li lukin e ike pi jan suli. sewi li lon e ni: pakala ale lon tomo pi jan lili li kama tawa tomo pi jan suli kin. jan suli li lukin e pakala lon tomo ona. pilin ona la, jan lili li lon e pakala ni. pimeja la, jan suli li utala a e jan lili. “o tawa ma ante! o kama sin ala!” jan lili li weka.
jan pi len jelo li kama sona e weka la, ona li toki: “sewi li pana e ken wile tawa mi mute. tan sewi taso la mi wile pali. pali ale li pona sama. sina weka e wile pali tan jan ante la, sina ike sama pimeja. o toki ala e ‘mi pona nanpa wan’. mi ale li pona sama a!”
jan suli li pilin ike, li tawa alasa e jan lili. ona li weka tan ma nena, li tawa lon ma supa pi kasi ala lon suno mute lon pimeja mute, li kama lon ma tomo pi jan suno. jan utala li awen e ma tomo. jan suli li toki: “mi jan suno tan ma nena. mi alasa e jan weka.” jan utala li ken e kama. jan lili li lon ala ma tomo ni; taso, jan suno li wile e sona pi ma nena. jan suli li toki e suno mun, e jan pi len jelo, e pali tomo e utala. ale li pona lon ma nena la, sin la jan suno pi ma tomo li wile tawa ma nena. jan pali li tan ma tomo la ona li wile ala tawa. jan lawa pi len laso li toki:
“kulupu ni li wawa. mi o alasa e jan lili pi ma nena lon ma jan ante. jan suno ale o wan sin. jan pali o! sina taso lon ma tomo la, jan ike li moli e sina. mi o weka e ike ale tan ma. ike li lon ala la, jan suno li ken lon ma ale. o utala!”
jan suno pi ma tomo li open e utala tawa ma pi jan utala. ona li utala e ma lili mute, li alasa e jan lili. jan suli li lawa e kulupu utala, li kama utala e ma tomo lon poka pi telo suli. ma ni la, jan lili li lon. taso ona en jan pi suno ala li mama e jan sin. jan lili li olin e jan pi suno ala, li wile ala weka. jan suli li pilin pakala. ona o seme? taso ona li awen sona e toki tan jan pi len jelo: “mi ale li pona sama.” pini la, ona li moli ala e jan olin, li toki: “o tawa o len lon ma ante suli. jan suno pi ma tomo li utala ala e lawa suli.”
jan suli li tawa ma tomo, li wile pini e utala. tan ni la, jan pi len laso li wile moli e ona. taso jan suli li weka tawa ma nena, li utala sin ala.