tenpo pini suli a la, waso akesi suli li monsuta e ma tomo. waso li utala ala e ma la, kulupu li pana e jan. waso li moku e jan li utala ala.
suno ike wan la, kulupu li pana e meli lili pi jan lawa. jan ale li pilin ike, taso ante ala li ken. pilin monsuta la, meli li tawa tomo waso.
waso li wile open moku e meli la, jan Josi li kama. kepeken palisa kiwen walo la, jan wawa ni li utala e waso akesi. utala li suli li ike taso jan pona li moli e waso lon pini.
telo loje li kama tan insa waso li mama e kasi suwi loje tan ma. jan Josi li jo e kasi, li pana e ona tawa meli. kulupu li pini pilin monsuta, li kama pilin pona.