sieni

Hajkoj, vintro 2026

sieni — Fri, 20 Mar 2026 00:00:00 +0000

jen ĉio blankas –
jen ĉio ĉesas movi –
jen ĉio mortas

placas ri al mi
kiel ombro somera
kaj suno vintra

arboj nudiĝas –
jen ĝiaj branĉoj
bele kompleksaj

Hajkoj, aŭtuno 2025

sieni — Sun, 21 Dec 2025 00:00:00 +0000

nun el la tero
jam ŝanĝita l’ plant-kolor’
multiĝas fungoj

freŝa aero –
verdajn kaj oranĝajn
portas folioj

la sun’ brilas
dum la vento ekfortas –
jen somereto!

ekmalvarmiĝas
kaj simple kiel tiel
oktobron finas

Hajkoj, somero 2025

sieni — Mon, 22 Sep 2025 00:00:00 +0000

soleca arbo
origata de vesper’
sur tritikejo

ĉiel’ sen nuboj –
nenio ja videblas
ĉe blava sonĝo

kaŝas sin en flor’
malfortega insekto –
helas la kolor'

riveret’ kuras
eterne inter rokoj
apud la vojo

kreskas sur ŝtonoj
kaj likenoj kaj muskoj –
etaj detaloj

post la pluveto
herbojn lumigas la sun’
kaj verd’ ekbrilas

Antaŭ dek unu jaroj

sieni — Sun, 31 Aug 2025 00:00:00 +0000

NUNAJ TEORIOJ pri la kreo de la Universo deklaras, ke se ĝi estis kreita entute kaj ne simple komenciĝis, por diri iel, neoficiale, ĝi ekestis antaŭ inter dek kaj dudek mil milionoj da jaroj. Sammaniere la tero mem supoze aĝas ĉirkaŭ kvar kaj duonon mil milionojn da jaroj.

Tiuj datoj estas malĝustaj.

Mezepokaj judaj akademianoj datigis la Kreon je 3760 ᴀᴋ. Grekaj ortodoksaj teologoj datigis la Kreon jam je 5508 ᴀᴋ.

Ankaŭ tiuj sugestoj estas malĝustaj.

Ĉefepiskopo Jakobo Uŝero (1580-1656) publikigis Annales Veteris et Novi Testaments en 1654, kiu sugestis, ke la Ĉielo kaj la Tero estis kreita je 4004 ᴀᴋ. Unu el liaj asistantoj pliprofundigis la kalkulon, kaj eblis al li anonci triumfe, ke la Tero estis kreita dimanĉe 21-an de oktobro, 4004 ᴀᴋ, precize je la 9:00 matene, ĉar Dio ŝatis fini laboron frue matene dum Li sentas sin freŝa.

Ankaŭ tiu estis malĝusta. Pro preskaŭ kvarono da horo.

La tuta afero pri la fosiliaj dinosaŭraj skeletoj estis ŝerco, kiun paleontologoj ankoraŭ ne vidas.

Tio pruvas du aferojn:

Unue, Dio movas laŭ ekstreme misteraj, por ne diri, sinuaj manieroj. Dio ne ludas ĵetkubojn per la universo; Li ludas neesprimeblan ludon de sia propra kreivo, kiun oni povus kompari, laŭ la perspektivo de iu ajn alia ludanto,*t.e., ĉiuj al partoprenado ĉe obskura kaj kompleksa versio de pokero en tre malluma ĉambro, kun malplenaj kartoj, dum senfinaj vetoj, kun krupiisto, kiu ne diras al vi la regulojn, kaj ĉiam ridetas.

Due, la Tero estas Pesilo.

La astrologia antaŭdiro pri Pesilo en la “Viaj Steloj Hodiaŭ” kolumno el Tadfield-Anoncanto, en la tago kiam ĉi tiu rakonto komencas, legas tiel:

♎︎ PESILO. 24-a de septembro—23-a de oktobro.
Eble vi sentas vin elĉerpita kaj ĉiam en la sama malnova ĉiutaga rondo. Hejmaj kaj familiaj aferoj estas elstaraj kaj pendas de fajro. Evitu nenecesajn riskojn. Amiko estas grava por vi. Flankenigu gravajn decidojn, ĝis ke la vojo antaŭen ŝajnas klara. Eble vi estas vundebla al stomakdoloro hodiaŭ, do evitu salatojn. Helpo povas alveni de neatendita loko.

Ĉi tiu estis perfekte ĝusta laŭ ĉiuj aspektoj, krom la parteto pri salatoj.

NE ESTIS MALLUMA KAJ TEMPESTA NOKTO.

Ĝi devis esti, sed tiel estas la vetero. Por ĉiu freneza sciencisto, kiu havas oportunan tempeston ĝuste en la nokto kiam lian Grandan Laboron li kompletas kaj ĝi kuŝas sur la tero, estas dek duoj da aliaj, kiuj sidas sencele sub la trankvilaj steloj dum Igor akumulas kromhorojn.

Sed ne permesu al la nebulo (kun pluvo poste, temperaturo falonta al ĉirkaŭ kvardek kvin gradoj) doni al oni malveran senton de sekureco. Nur ĉar estas milda nokto, ne signifas, ke la obskuraj fortoj ne estas ekstere. Ili ĉiam estas ekstere. Ili estas ĉie.

Ili ĉiam estas. Tio estas la tuta celo.

Du el ili gvatis en la ruinita tombejo. Du ombraj formoj, unu kurbiginta kaj kaŭra, la alia maldika kaj minaca, ambaŭ Olimpiko-nivelaj gvatantoj. Se Bruce Springsteen registrus “Naskita por Gvati”, ĉi tiuj du estus en la albumkovraĵo. Ili jam gvatis en la nebulo dum du horoj, sed ili paŝiĝis kaj povis gvati dum la tuta nokto se necesus, kun ankoraŭ sufiĉe da aspra minaco por fina eksplodo da gvatado je la mateniĝo.

Fine, post pliaj dudek minutoj, unu el ili diris: “Al la infero kun tio. Li estu ĉi tie antaŭ horoj.”

La nomo de la parolinto estis Hasturo. Li estis Duko de Infero.

[! NEFINITA !]

Bonaj Aŭguroj

sieni — Sun, 31 Aug 2025 00:00:00 +0000

Rakontado pri Certaj Eventoj okazintaj dum la lastaj dek unu jaroj de la homa historio, laŭ strikta konformo, kiel estos montrata, al:

La Bonaj kaj Precizaj Profetaĵoj de Agnes Frenezulo

Kompilis kaj editoris, kun Piednotoj de Eduka Naturo kaj Priskriboj por la Saĝuloj, Neil Gaiman kaj Terry Pratchett.

DRAMATIS PERSONAE

Supernaturaj Estaĵoj

Dio (Dio)

Metatrono (La Voĉo de Dio)

Azirafalo (Anĝelo, kaj partatempe vendisto de raraj libroj)

Satano (Falinta Anĝelo; la Malamiko)

Belzebubo (Ankaŭ Falinta Anĝelo kaj Princo de Infero)

Hasturo (Falinta Anĝelo kaj Duko de Infero)

Liguro (Ankaŭ Falinta Anĝelo kaj Duko de Infero)

Kroŭlo (Anĝelo, kiu ne tiom Falis kiom Promenis Svage Malsupren)

Apokalipsaj Gerajdantoj

MORTO (Morto)

Milito (Milito)

Malsatego (Malsatego)

Poluo (Poluo)

Homoj

Vi-Ne-Devas-Adulti Pulsifer (Sorĉistĉasisto)

Agnes Frenezulo (Profetino)

Neŭtono Pulsifero (Salajra Oficisto kaj Sorĉistĉasisto Privata)

Anatema Ilo (Praktika Okultistino kaj Profesia Descendulo)

Ŝadvelo (Sorĉistĉasisto Serĝenta)

Sinjorino Trejsi (Pentrita Jezabelino [nur matene, ĵaŭde laŭ aranĝo] kaj Mediumo)

Fratino Maria Parolema (Satana Monakino el la Babilanta Ordo de Sankta Berilino)

S-ro Joung (Patro)

S-ro Tajlero (Prezidanto de Loĝantasocio)

Distribuisto

Ili

ADAMO (Antikristo)

Pipro (Knabino)

Venslejo (Knabo)

Briano (Knabo)

Plena Koruso de Tibetanoj, Eksterteranoj, Usonanoj, Atlantidanoj kaj aliaj raraj kaj strangaj Estaĵoj de la Lastaj Tagoj.

Kaj:

Hundo (Satana inferhundo kaj kato-maltrankviliganto)

En la komenco

sieni — Sun, 31 Aug 2025 00:00:00 +0000

ESTIS AGRABLA TAGO.

Ĉiuj tagoj estis agrablaj. Estis pli ol sep ĝis nun, kaj pluvo ankoraŭ ne estis inventita. Sed nuboj, akumulante sin oriente de Edeno, sugestis, ke la unua tempesto estas survoje, kaj ĝi estos granda.

La anĝelo de la Orienta Pordego etendis siajn flugilojn super sian kapon por protekti sin kontraŭ la unuaj gutoj.

“Pardonu,” li diris ĝentile. “Kion vi diris?”

“Mi diris, ke unu falis kiel plumba balono,” diris la serpento.

“Ho. Jes,” diris la anĝelo, kies nomo estis Azirafelo.

“Mi pensas, ke estis iom troa reago, honeste,” diris la serpento. “Nu, la unua delikto kaj ĉio. Mi ne komprenas, kio estas tiel malbona pri scii la diferencon inter bono kaj malbono, ĉiuokaze.”

“Ĝi devas esti malbona,” rezonis Azirafelo, per la iomete maltrankvila tono de tiu, kiu ankaŭ ne komprenas, kaj zorgas pri tio, “alie vi ne estus implikita.”

“Ili nur diris, Iru tien supren kaj faru iom da problemo,” diris la serpento, kies nomo estis Kraŭlo, kvankam li pensadis ŝanĝi ĝin. Kraŭlo, li decidis, ne estis li.

“Jes, sed vi estas demono. Mi ne certas, ĉu verfakte vi povas fari bonon,” diris Azirafelo. “Tio dependas de via baza, vi scias, naturo. Nenio persona, komprenu.”

“Konfesu, ke estas iom pantomimo, tamen,” diris Kraŭlo. “Nu, montri la Arbon kaj diri ‘Ne Tuŝu’ per grandaj literoj. Ne tre subtila, ĉu? Nu, kial ne lokigi ĝin sur pinton de alta monto aŭ tre malproksimen? Igas vin demandi, kion Li vere planas.”

“Pli bone ne spekulativi, vere,” diris Azirafelo. “Oni ne povas dubi neesprimeblecon, ĉiam mi diras. Ekzistas Ĝusto kaj ekzistas Malĝusto. Se oni faras Malĝuste kiam oni faru Ĝuste, oni meritas punon. Er.”

Ili sidis embarase silente, rigardante la pluvgutojn falantajn sur la unuajn florojn.

Fine Kraŭlo diris, “Ĉu vi ne havis flaman glavon?”

“Er,” diris la anĝelo. Kulpa esprimo iris tra sia vizaĝo, kaj tiam revenis kaj kampadis tie.

“Vi havis, ĉu?” Diris Kraŭlo. “Ĝi flamis kiel nenio alia.”

“Er, nu—”

“Ĝi ŝajnis tre impona, mi pensis.”

“Jes, sed, nu—”

“Vi perdis ĝin, ĉu ne?”

“Ho ne! Ne, ne ĝuste perdita, pli kiel—”

“Nu?”

Azirafelo ŝajnis mizera. “Se vi devas scii,” li diris, kolerete, “mi fordonis ĝin.”

Kraŭlo fikse rigardis lin.

“Nu, mi devis,” diris la anĝelo, frotante siajn manojn malatente. “Ili ŝajnis tre malvarmaj, kompatindaj, kaj ŝi jam atendas, kaj je la ferocaj bestoj tie ekstere kaj la venonta tempesto, mi pensis, nu, kie estas la malbono, kaj mi nur diris, aŭskultu, se vi revenos, estos terura kverelo, sed eble vi bezonas ĉi tiun glavon, do jen ĝi, ne ĝenu danki, nur faru al ĉiuj grandan servon kaj ne permesu, ke la suno subiros dum vi ankoraŭ estas ĉi tie.”

Li ridetis maltrankvile al Kraŭlo.

“Tio estis la plej bona elekto, ĉu?”

“Mi ne scias, ĉu verfakte vi povas fari malbonon,” diris Kraŭlo sarkasme. Azirafelo ne rimarkis la tonon.

“Ho, mi esperas,” li diris. “Mi vere esperas. Tio zorgadis min la tutan posttagmezon.”

Ili rigardis la pluvon dum iom da tempo.

“Strange,” diris Kraŭlo, “mi daŭre scivolas, ĉu la afero pri la pomo ankaŭ estis la ĝusta io por fari. Demono povas eniri verajn problemojn, por fari la ĝustan ion.” Li puŝetis la anĝelon. “Amuze se ni ambaŭ eraris, ĉu ne? Amuze se mi faris la ĝustan ion kaj vi faris la malĝustan, ĉu ne?”

“Ne vere”, diris Azirafelo.

Kraŭlo rigardis la pluvon.

“Ne,” li diris, sobriĝante. “Mi supozas ne.”

Adrezo-nigraj kurtenoj falis super Edenon. Tondro murmuris inter la montetoj. La bestoj, ĵus nomitaj, timis pro la tempesto.

Malproksime, en la gutanta arbaro, iu brila kaj arda palpebrumis inter la arboj.

Baldaŭ estis malluma kaj tempesta nokto.

Libroŝranko

sieni — Mon, 01 Jan 0001 00:00:00 +0000

Legataj

titolo	aŭtoro
Gardistoj! Gardistoj! *Guards! Guards!	Terry Pratchett

Legitaj

titolo	aŭtoro
Duno *Dune	Frank Herbert
Mort	Terry Pratchett
La sekreto de sekretoj *The secret of secrets	Dan Brown
La enketo de la kanalo 4a *L’enquesta del canal 4	Avel·lí Artís-Gener
Frankenŝtejno *Frankenstein; or the modern Prometheus	Mary Shelley
Kolizio de reĝoj *A clash of kings	George R.R. Martin
Kiam la verd-tea fiulino ĉantaĝis min *关于被班上绿茶威胁那件事	Xiam Jun
Ludo de tronoj *A game of thrones	George R.R. Martin
AMO-KUGLO *ラブ・バレット (LOVE-BULLET)	inee
La eta princo *Le petit prince	Antoine de Saint-Exupéry
La tabulo de Flandrujo *La tabla de Flandes	Arturo Pérez-Reverte
Tempo-ŝtelisto *Time thief	Terry Pratchett
La mirinda lumo *The light fantastic	Terry Pratchett
Morto en la nuboj *Death in the clouds	Agatha Christie
La mistera afero ĉe Styles *The mysterious affair at Styles	Agatha Christie
Tero Firma *Tierra Firme	Matilde Asensi
Silmariliono *The Silmarillion	J.R.R. Tolkien
La voko de Ktulhu *The call of Cthulhu	H.P. Lovecraft
Mi amas Amjon *나는 에이미를 사랑해	Unni
Neniu por skribi al la kolonelo *El coronel no tiene quien le escriba	García Márquez
Murdo en la Orienta Ekspreso *Murder on the Orient Express	Agatha Christie
La aventuroj de Alico en Mirlando *Alice’s adventures in Wonderland	Charles Lutwidge
Mandragoro *Mandrágora	Laura Gallego García
La Malsat-ludoj *The Hunger Games	Suzanne Collins
La koloro de la magio *The colour of magic	Terry Pratchett
La sorĉisto de Oz (tokipona eldono) *jan [o suli uta] pi wawa nasa / The wonderful wizard of Oz (toki pona edition)	Sonja Lang kun aliaj
La malnova familio *La vieja familia	Eva García Sáenz
Cifereca fortikaĵo *Digital fortress	Dan Brown
Serĉante Alaskon *Looking for Alaska	John Green
Deveno *Origin	Dan Brown
Infero *Inferno	Dan Brown
La perdita simbolo *The lost symbol	Dan Brown
La kodo de Da Vinci *The Da Vinci code	Dan Brown
Angeloj kaj demonoj *Angels and demons	Dan Brown
Etaj dioj *Small gods	Terry Pratchett
Bonaj aŭguroj *Good omens	Neil Gaiman kaj Terry Pratchett
Mortigaj motoroj *Mortal engines	Philip Reeve
Kristnaska kanto *A christmas carol	Charles Dickens
La mastro de la ringoj *The lord of the rings	J.R.R. Tolkien
La hobito *The Hobbit	J.R.R. Tolkien
Etiko por Amador *Ética para Amador	Fernando Savater
Politiko por Amador *Política para Amador	Fernando Savater
La mistero de la tundro *El misterio de la tundra	Pedro Urvi
La sekreto de la reĝo *El secreto del rey	Pedro Urvi
La filo de la perfidinto *El hijo del traidor	Pedro Urvi
Fernis, la elfo *Fernis, el elfo	Laura Gallego García
La voko de la mortintaj *La llamada de los muertos	Laura Gallego García
La malbeno de la mastro *La maldición del maestro	Laura Gallego García
1984 *Nineteen eighty-four	George Orwell
Trezor-insulo *Treasure island	Robert Louis Stevenson
De tero al luno *De la Terre à la Lune	Julio Verne
Dudek mil leŭgoj sub la maro *Vingt mille lieues sous les mers	Julio Verne
Kvin semajnoj en flugbalono *Cinq semaines en ballon	Julio Verne
Vojaĝo al la centro de la Tero *Voyage au centre de la Terre	Julio Verne
Ĉirkaŭ la mondo dum okdek tagoj *Le tour du monde en quatre-vingts jours	Julio Verne
La esploranto *The explorer	Katherine Rundell
La malmalicaj ŝtelistoj *The good thieves	Katherine Rundell
La lup-valo *El valle de los lobos	Laura Gallego García
Kufulineto en Manhatano *Caperucita en Manhattan	Sara Allen
Wonder	Raquel J. Palacio
La besto-farmo *Animal farm	George Orwell
La vent-musiko *La música del viento	Jordi Sierra I Fabra

Legotaj

titolo	aŭtoro
[ĉiuj romanoj el Diskomondo] *Discworld	Terry Pratchett
La Mesio el Duno *Dune Messiah	Frank Herbert
Omaĝo al Katalunujo *Homage to Catalonia	George Orwell
Ŝtormo de glavoj *A storm of swords	George R.R. Martin
L’aŭko de sinjoro Esteve *L’auca del senjor Esteve	Santiago Rusiñol
Vortoj de Opotono la Maljuna *Paraules d’Opòton el Vell	Avel·lço Artís-Gener
La taglibroj de la apotekistino *薬屋のひとりごと	Natsu Hyūga
La nomo de l’vento *The name of the wind	Patrick Rothfuss
Don Kiĥoto el Manĉo *Don Quijote de la Mancha	Miguel de Cervantes
La Biblio *ביבליה / ܟܬܒܐ ܩܕܝܫܐ / Αγία Γραφή

Televidaj serioj kaj animeoj

sieni — Mon, 01 Jan 0001 00:00:00 +0000

Vidataj

Dr-o Ŝtono *Dr.STONE (4a sezono)
Breaking Bad

Viditaj

La mirinda ĉifereca cirko *The amazing digital circus
Dandadan *ダンダダン
Ĉensegila homo *チェンソーマン
Spiono x Familio *SPYxFAMILY
Morto-kajero *デスノート / DEATH NOTE
Baldaŭ mi fariĝos vi *やがて君になる
Lasta vojaĝo de knabino *少女終末旅行
Nova centjara evangelio *新世紀エヴァンゲリオン
Neniel mi povus esti via amatino! Krom se… *わたしが恋人になれるわけないじゃん、ムリムリ! (※ムリじゃなかった!?)
La taglibroj de la apotekistino *薬屋のひとりごと
Mortig-robotoj *Murder drones
Ludo de tronoj *Game of thrones
Dr-o Ŝtono *Dr.STONE
Boĉi la Roko! *ぼっち・ざ・ろっく！
Mia cerva amikino Nokotan *しかのこのこのここしたんたん
Frieren *葬送のフリーレン
Danĝereja manĝaĵo *ダンジョン飯
Hazbin-hotelo *Hazbin Hotel
Gravity Falls
Nia flago signifas morto *Our flag means death
Bonaj aŭguroj *Good omens
Amfibiujo *Amphibia
La striged-domo *The owl house
Avatar: la lasta aermagiisto *Avatar: the last airbender